രണ്ടു കവിതകള്‍

മറിയമാര്‍ പലവിധം

മുന്തിരിത്തോട്ടത്തില്
‍ഞാന്‍ നിനക്കായി കാത്തിരിക്കും
മറിയം അയാളോട്‌ പറഞ്ഞു

നിനക്കും എന്റെയമ്മക്കും
ഒരേ പേരു തന്നെയാണു
അയാള്‍ മറുപടി പറഞ്ഞൊഴിഞ്ഞു

ഞാനും നിന്റെയമ്മയെപ്പോലെ
ഒരു സ്ത്രീ തന്നെയല്ലയോ
അവള്‍ ചോദിച്ചു

മൗനത്തിന്റെ
കുരിശില്‍ കിടന്നു
അയാള്‍ പിടഞ്ഞു.


മേരി

സ്നേഹത്തെക്കുറിച്ചു
പ്രബന്ധമെഴുതാനിരുന്ന്
ജീവിതത്തിന്റെ
തീവണ്ടി കിട്ടാതെ പോയവള്‍

അവള്‍ക്കിപ്പോള്
‍പാളമാണഭയം.

^ 1997

11 അഭിപ്രായങ്ങൾ:

കുഴൂര്‍ വില്‍‌സണ്‍ പറഞ്ഞു...

“നിനക്കും എന്റെയമ്മക്കും
ഒരേ പേരു തന്നെയാണു
അയാള്‍ മറുപടി പറഞ്ഞൊഴിഞ്ഞു

ഞാനും നിന്റെയമ്മയെപ്പോലെ
ഒരു സ്ത്രീ തന്നെയല്ലയോ
അവള്‍ ചോദിച്ചു“

അന്താരാഷ്ട്ര വനിതാദിനത്തില്‍
എല്ലാ മറിയമാര്‍ക്കും
2 കവിതകള്‍

ഒരു ആണ്‍പന്നിയുടെ വക

Kalesh പറഞ്ഞു...

വില്‍‌സാ,
നമിച്ചു!

G.manu പറഞ്ഞു...

ENNA KAVITHA ENTE MASHE.........GREAT GREAT

blesson പറഞ്ഞു...

തരിഛിരുന്നു പോയി

വിടരുന്ന മൊട്ടൂകള്‍ | VIDARUNNAMOTTUKAL പറഞ്ഞു...

മോബ് ചാനല് www.mobchannel.com സ്പോണ്‍സര് ചെയ്യുന്ന മികച്ച മലയാളം ബ്ലോഗുകള്‍ക്കുള്ള മാര്‍ച്ച് മാസത്തെ മത്സരത്തിനായി എന്ട്രികള് ക്ഷണിക്കുന്നു. താങ്കളുടെ പോസ്റ്റിന്റെ ലിങ്ക് vidarunnamottukal@gmail.com ലേക്ക് അയക്കുക. എല്ലാ വിഭാഗത്തില് പെട്ട ബ്ലോഗുകളും മത്സരത്തിനായി സമര്‍പ്പിക്കാവുന്നതാണ്. കൂടുതല് വിവരങ്ങള്‍ക്കു www.mobchannel.com or http://vidarunnamottukal.blogspot.com സന്ദര്‍ശിക്കുക..... എന്ട്രികള് സമര്‍പ്പിക്കേണ്ട അവസാന ദിവസം 31.3.2007 ആണ്

kumar © പറഞ്ഞു...

വളരെ നന്നായിട്ടുണ്ട് വില്‍‌സാ..

തികച്ചും പുതുമ.

venu പറഞ്ഞു...

കുഴൂരേ....വാ...വാ...ക്യാ ബാതു് ഹൈ.
പിന്നെ...
പ്രപന്ധ
അതൊന്നു തിരുത്തിയേക്കൂ.അതില്‍ അക്ഷര പിശാചിരിക്കുന്നു.പ്രബന്ധം അല്ലേ ശരി.:)

ദില്‍ബാസുരന്‍ പറഞ്ഞു...

കിടിലം!

അചിന്ത്യ പറഞ്ഞു...

അമ്മേടെ മുഖം തന്നെയായിരുന്നു അവള്‍ക്കെങ്കില് ഒരുപക്ഷെ ആ പന്നി ഒഴിഞ്ഞു മാറില്ല്യായിരുന്നൂ?

ഈ രണ്ട് മറിയങ്ങളില്‍ ഒന്നെങ്കിലുമാവാണ്ടെ വയ്യല്ലോ ല്ലെ.

രണ്ടാമത്തെ കവിത വായിച്ചപ്പോ എനിക്ക് അന്നയെ ആണ് ഓര്‍മ്മ വന്നത്.

നന്നായിണ്ട് വിത്സന്‍.

കുഞ്ഞേട്ത്തി പറഞ്ഞു...

അവള്‍ക്കിപ്പോള്
‍പാളമാണഭയം.



പാളത്തില്‍ അഭയം???അവളിലൂടെ കുതിച്ചും കിതച്ചും പാഞ്ഞുപോവാന്‍ ഇനിയുമെത്ര തീവണ്ടികള്‍ വരാനിരിക്കുന്നു. എവിടെയാണവള്‍ക്കഭയം???

കുഴൂര്‍ വില്‍‌സണ്‍ പറഞ്ഞു...

"കുഴൂരേ....വാ...വാ...ക്യാ ബാതു് ഹൈ.
പിന്നെ...
പ്രപന്ധ
അതൊന്നു തിരുത്തിയേക്കൂ.അതില്‍ അക്ഷര പിശാചിരിക്കുന്നു.പ്രബന്ധം അല്ലേ ശരി.:) "
വേണു. തിരുത്തി.