ഉന്മാദത്തിന്റെ ഭംഗിയുള്ള ഒരു പകല്‍

2009 ഒക്ടോബര്‍ 9 ,
ഷാര്‍ജ, അജ്മാന്‍, ദുബായ്



അത്ര രാവിലെ
പകല്‍
ആത്മഹത്യയെക്കുറിച്ചുള്ള
പുസ്തകം മറിക്കുന്നു

“കവിതയുടെ
ഈ കുരിശുമരം
സ്വപ്നസഞ്ചാരത്തിന്റെ
റോഡപകടങ്ങള്‍
നിയന്ത്രിക്കുമെന്ന് “ 1
ഇതെന്റെ
വരികളാണെന്ന്
പകലിനോട് 2
പറഞ്ഞു

അവന്‍ ചിരിച്ചു
വെയില്‍ പരന്നു

ആത്മഹത്യയെക്കുറിച്ചുള്ള
പുസ്തകം
പകലിനു കൊടുത്തു

രാത്രിയാകട്ടെ
അവന്‍ പറഞ്ഞു

- - -

ആദ്യമായൊരപ്പന്‍
മകള്‍ക്ക് പേരിട്ട
കടലിനെ
കേള്‍പ്പിച്ച്
കൊടുക്കുകയാണ്

അമ്മിണീ
നീയൊന്നും
പറയാത്തതെന്ത്

ഇതാണ് കടല്‍
കടലമ്മ
നിന്റെ പേര്‍
കടലമ്മ തന്നതാണ്

ഇരമ്പം കേട്ട്
നീ ചിരിക്കുന്നു
നിനക്കെന്തറിയാം
അതിന്റെയാഴം
അപ്പനുപോലുമറിയില്ല
ചുഴികള്‍
ഗര്‍ത്തങ്ങള്‍
തിരമാലകള്‍
മുത്തുച്ചിപ്പികള്‍

തേറ്റപ്പല്ലുകളുള്ള
വമ്പന്‍ സ്രാവുകള്‍

ഒന്ന് കൂടി
ചേര്‍ത്ത് വയ്ക്കെടീ
പതിയെ
ഒരു ദേവതയുടെ
ശബ്ദം

നിന്നെ
കടലില്‍
മുക്കിയെടുത്തതിനു
ശേഷം
അപ്പന്‍
തീരത്തെഴുതി

കടലമ്മ
കള്ളീയെന്ന്

നിന്നെപ്പേടിച്ചിട്ടാകണം
അമ്മിണീ
ഇത്തവണ
അതമ്മ
മായിച്ചില്ല

- - -

ഈ റാന്നി ആരാണ്
ഈ റാന്നി ഏത് കോത്താഴത്തുകാരനാണ്
റാന്നിയായാലും
കോന്നിയായാലും
എനിക്കൊരു തുള്ളി
മദ്യം കഴിക്കണം
പിന്നെയൊക്കെ
റാന്നിയായിക്കൊള്ളും

റാന്നിക്കാരന്റെ
ഒരൊത്ത
റാന്നി മുറിയില്‍ വച്ച്
റാന്നി
റാന്നി
റാന്നിയങ്ങനെ

അപ്പന്റെയും
അമ്മയുടെയും
പടമുണ്ട്

നീ അനുഗ്രഹിക്കപ്പെട്ടവനാണ്
അപ്പന്റെയും
അമ്മയുടെയും
പടം
നാസിമുദ്ദീന്റെ ഭാഷയില്‍ 3
വെളുത്ത ഭാര്യ്
ചൊല്ലുവിളിയുള്ള
കുട്ടികള്‍

മദ്യം
റാന്നിക്കാരന്റെ
നെറ്റിയില്‍
ഒരുമ്മ കൊടുത്തു
- - -

ക്യാമറയിലൂടെ
അല്ലാതെ
ശോഭ
എന്നെങ്കിലും
എന്നെ കണ്ടിട്ടുണ്ടാകുമോ
അനിലന്‍
മേരി പിന്നെയും മേരി
ശിഹാബ്
ലെന്‍സുകള്‍
മാറി മാറി വച്ച്
എന്നെ കണ്ടിട്ടുണ്ടാകണം

എല്ലാവര്‍ക്കുമെന്ന പോലെ
ശോഭയ്ക്ക്
ഒരു പടമാണ്
ഞാന്‍

ഒരു
ശോഭയും
എന്നെ
കണ്ടിട്ടില്ല
- - -

ഭ്രാന്ത് പിടിച്ചിട്ടാണോ
ഭ്രാന്ത്
പിടിക്കാതിരിക്കാനാണോ
കാടേ
കടിക്കാടേ
ഇടയ്ക്ക്
ഇടയ്ക്ക്
ഇടയ്ക്ക്
ഈ മിസ്
കാളുകള്‍

മിസ്സായിപ്പോയതെല്ലാം
മിസ്സായിപ്പോയത്
തന്നെയാണ്

നിന്റെ ഭാഷയില്‍
നിന്നെ
ഒന്ന്
അനുകരിക്കാന്‍
ശ്രമിച്ച്
ഇടയ്ക്ക്
ഞാനൊന്നു മിസ്സായി

ആലുവയില്‍
പച്ചക്കറി മാര്‍ക്കറ്റ്
നടത്തുന്ന
ഒരു സെബാസ്റ്റ്യനുണ്ട്

കവിതയൊഴിച്ച്
എല്ലാം വില്‍ക്കും

നീയോ

ലോകത്തില്‍
പൈന്‍
സിഗരറ്റുകള്‍
വലിക്കുന്ന
എല്ല്ലാവരും
സഹോദരന്മാരാണ്

ഞാന്‍
മരിച്ചു കഴിയുമ്പോള്‍
കൊടുക്കുന്ന
അവാര്‍ഡിന്റെ
കൂടെ
ഒരു പാക്കറ്റ്
പൈന്‍
കൊടുക്കണം

ആ ഗ്രോസറിയിലെ
ഒരു ദിവസത്തെ
ഒരു മണിക്കൂറിലെ
ഏതോ
ഒരു മിനിറ്റിലെ
വില്‍പ്പനക്കാരനായിരുന്നു
ഞാന്‍

എന്റെ കൂലീ
എന്റെ കൂലീ

നിന്നോടുള്ള

തൊഴിലാളിയുടെ
സമരമാണ്
ഈയുമ്മ

ഉമ്മകള്‍ വച്ച്
ഒരു സമരം

ഹായ്
എനിക്ക്
ജീവിക്കാന്‍
തോന്നുന്നു
- - -


“കിടിലന്‍”

ദേ ഇത് എഴുതിയത്
ഞാനല്ല
എന്തിനാണ്
വാക്കുകളേ
ആവശ്യമില്ലാത്ത
സമയത്ത്
ആവശ്യമില്ലാത്ത
സ്ഥലങ്ങളില്‍
വന്ന് നോക്കുന്നത്

ഒരു കുത്ത്
വച്ച് തരും

കുത്തില്‍ തീരും
തീരണം

- - -

ഒരു കവിത
തീര്‍ന്നാറേ
ഒരു കവിതയും
കൂടീയെന്ന്
ഒരു പെണ്ണ്

പെണ്ണുങ്ങള്‍
പറഞ്ഞാല്‍
കേള്‍ക്കാതിരിക്കുന്നതെങ്ങനെ

അയ്യേ
ഇത്തവണ
ഞാന്‍ പറ്റിച്ചേ
ഞാന്‍
കവിത ചൊല്ലുകയല്ല
കവിത
എന്നെ ചൊല്ലുകയാണ്

ഇനി
അതിന്
തോന്നട്ടെ

- - -

അമ്പരപ്പും
ആദരവും
കലര്‍ന്ന
നോട്ടത്തില്‍
പെണ്‍കുട്ടീ

ഞാന്‍
വേറെ
ഒരാളായി
തീരുന്നു

അപ്പന്റെ
കൂടെയാണ് നീ
എന്നിട്ടും
എന്റെ
കവിത കേള്‍ക്കണമെന്ന്
നീ
പതിയെ
പറയുന്നു

എവിടെയോ
നിന്നെ
ഞാന്‍
കണ്ടിട്ടുണ്ട്

എന്റെ മക്കളേ
കവിതയോ
നിറയെ
പോക്കാണ്
വായ തുറന്നാല്‍
ശവഗന്ധമാണ്

എത്ര പേര്‍
ഓടിപ്പോയതാണെന്നോ

ആദ്യം
നീയൊരു
കുടക്കൊന്ന നിറയെ
തുളസി തന്നു

ആത്മാവിലേക്കാണ്
പച്ചയായത് എങ്കിലും
ചെറുതാണല്ലോ
പെണ്‍കുട്ടിയാണല്ലോ
എന്ന്
മിഴിച്ച് മിഴിക്കവേ
നീ പിന്നെയും
തരുന്നു

പിന്നെയും
വേവാത്ത
ഒരിലക്കാട്

ദേ നോക്കിയേ
നീ ഒരു
പെണ്‍കുട്ടിയാണ്

നിന്റെ
നെറ്റിയിലാണ്
ഈയുമ്മ


പെണ്ണുങ്ങളുടെ
ഗുഹ്യഭാഗങ്ങള്‍
ഇഷ്ടമല്ലാത്ത
ഒരാളല്ല

നിന്റെ നെറ്റിയില്‍
തന്നെയാണ്
എന്റെയുമ്മ

കാരണം
എന്റെ മകന്‍
ഒരു മകളാണ്

- - -

31 അഭിപ്രായങ്ങൾ:

രാമചന്ദ്രന്‍ വെട്ടിക്കാട്ട്. പറഞ്ഞു...

നിന്റെ നെറ്റിയില്‍ തന്നെയാണുമ്മ...

സതി മേനോന്‍ പറഞ്ഞു...

എല്ലാം നല്ല കവിതകള്‍

വിഷ്ണു പ്രസാദ് പറഞ്ഞു...

ഉമ്മകള്‍ വെച്ച് ഒരു സമരം...

ദേവസേന പറഞ്ഞു...
രചയിതാവ് ഈ അഭിപ്രായം നീക്കംചെയ്തു.
കുഞ്ഞിക്കണ്ണന്‍ വാണിമേല്‍ പറഞ്ഞു...

ബ്ലോഗില്‍ വസന്തം വിരിയുന്നുണ്ടെന്ന്‌ ഇത്തരം എഴുത്തുകള്‍ വായിക്കുമ്പോള്‍ മനസ്സിലാവുന്നു. ബ്ലോഗെഴുത്തിന്‌ കരുത്തുനല്‍കുന്ന എല്ലാവര്‍ക്കും നന്ദി.
pl. visit. httP:\\kuppaayam.blogspot.com

Melethil പറഞ്ഞു...

ഒരേ ദിവസം അനിലും കുഴൂരും ...ഹോ ! നന്ദി നന്ദി നന്ദി

ഗിരീഷ്‌ എ എസ്‌ പറഞ്ഞു...

കവിത വായിച്ചു..
സുഗമമായി തുടങ്ങിയ വായന
വിരസതയിലാണ്‌
അവസാനിച്ചത്‌...

എന്തോ...
പകുതിയിലധികം ഭാഗവും ഇഷ്ടമായില്ല...
വായിച്ച്‌ മനസ്സിലാക്കാനുള്ള
പ്രയാസമാവാം അതിന്‌ കാരണം...

കുഴൂര്‍ വില്‍‌സണ്‍ പറഞ്ഞു...

EXCELLENT ..
BRILLIENT ..
SUPERB ..
നല്ല വാക്കുകള്‍ക്ക് നന്ദി ദേവസേന. ഇപ്പോഴുള്ള തലക്കെട്ട് പ്രിയപ്പെട്ടതാണ്. മാറ്റാന്‍ തോന്നുന്നില്ല.

ഗിരീഷേ, ഇതിലെ ചില വരികള്‍ എനിക്കും മനസിലായിട്ടില്ല. ചിലപ്പോള്‍ അങ്ങനെയാണ്.

പാര്‍ത്ഥന്‍ പറഞ്ഞു...

നെറ്റിയിൽ ഉമ്മ വെച്ചാൽ,
കെട്ട് വിടുമെങ്കിൽ, ----- -----

പകല്‍കിനാവന്‍ | daYdreaMer പറഞ്ഞു...
രചയിതാവ് ഈ അഭിപ്രായം നീക്കംചെയ്തു.
പകല്‍കിനാവന്‍ | daYdreaMer പറഞ്ഞു...

നീയൊരു
കൈകുടന്ന നിറയെ
കവിത തന്നു....!

..::വഴിപോക്കന്‍[Vazhipokkan] പറഞ്ഞു...

വീണ്ടും വീണ്ടും വായിക്കാന്‍ കൊതിപ്പിക്കുന്നു, ഉന്മാദത്തിന്റെ ഈ പകല്‍.

അനിലന്‍ പറഞ്ഞു...

ഇന്നലെ വൈകീട്ട് റോളയിലൂടെ ഒരാള്‍ ദീപാവലി മധുരങ്ങളുടെ സഞ്ചിയുമായി റാന്നി റാന്നി റാന്നി നടക്കുന്നതു കണ്ടപ്പോള്‍ 'ചേട്ടാ, ചേട്ടന്‍ വില്‍സന്റെ ബ്രാന്റാണോ റാന്നിയത്?' എന്നു ചോദിച്ചാലോന്നു തോന്നി.

Bijoy പറഞ്ഞു...

Dear blogger,

We are a group of students from cochin who are currently building a web portal on kerala. in which we wish to include a kerala blog roll with links to blogs maintained by malayali's or blogs on kerala.

you could find our site here: http://enchantingkerala.org

the site is currently being constructed and will be finished by 1st of Oct 2009.

we wish to include your blog located here

http://vishakham.blogspot.com/

we'll also have a feed fetcher which updates the recently updated blogs from among the listed blogs thus generating traffic to your recently posted entries.

If you are interested in listing your site in our blog roll; kindly include a link to our site in your blog in the prescribed format and send us a reply to enchantingkerala.org@gmail.com and we'll add your blog immediately. Ypu can add to our blog if you have more blog pls sent us the link of other blog we will add here

pls use the following format to link to us

KeralaTravel

Write Back To me Over here bijoy20313@gmail.com

hoping to hear from you soon.

warm regards

Biby Cletus

kaithamullu : കൈതമുള്ള് പറഞ്ഞു...

-കാരണം
എന്റെ മകന്‍
ഒരു മകളാണ്.
------
-ഒരിക്കലൂടെ നീട്ടി വിളിക്കട്ടേ:“വിത്സാ‍ാ‍ാ”
-----
റാന്നി, റാന്നി വായിച്ച ഞാന്‍ പാറിപ്പാറി ...
ഇപ്പോ എവിടെയാണാവോ?
-----

ഡിലീറ്റിയ കമെന്റീ,
അസ്ഥാന കമെന്റീ,
ഡിലീറ്റൂ, നീ വീണ്ടും!
(ഡിലീറ്റണം!)

T.A.Sasi പറഞ്ഞു...

ദൈവമേ ഇതല്ലേ
തേടികൊണ്ടിക്കുന്ന കവിത..

bilatthipattanam പറഞ്ഞു...

ഇതളുകളിൽ പൂക്കൽ വിരിയുന്ന കവിത....

ദിനേശന്‍ വരിക്കോളി പറഞ്ഞു...

പ്രിയ കവെ, കവിത വായിച്ചു...
എന്തുകൊണ്ടോ നിങ്ങളുടെകവിത തന്നെ കുറിക്കാന്‍ തോന്നുന്നു
ആ ഗ്രോസറിയിലെ
ഒരു ദിവസത്തെ
ഒരു മണിക്കൂറിലെ
ഏതോ
ഒരു മിനിറ്റിലെ
വില്‍പ്പനക്കാരനായിരുന്നു
ഞാന്‍

എന്റെ കൂലീ
എന്റെ കൂലീ

നിന്നോടുള്ള

തൊഴിലാളിയുടെ
സമരമാണ്
ഈയുമ്മ

ഉമ്മകള്‍ വച്ച്
ഒരു സമരം

ഹായ്
എനിക്ക്
ജീവിക്കാന്‍
തോന്നുന്നു
......

son of dust പറഞ്ഞു...

ഹൌ വിത്സാ തെരയുകയായിരുന്നു

കുഴൂര്‍ വില്‍‌സണ്‍ പറഞ്ഞു...

ആത്മാവില്‍ ഞാന്‍ വളര്‍ത്തിയ ഒരു തുളസിച്ചെടി മരിച്ചിട്ട് ഇന്നേക്ക് 5 ആകുന്നു. ഒരു പാട് സഞ്ചരിച്ചതാണ് അത്. അത് മരിച്ചത് ഈ കവിത കാരണമാണ്. അതിന്റെ ആത്മാവ് എന്നോടും ഈ കവിതയോടും പൊറുക്കട്ടെ.

“ 'ചേട്ടാ, ചേട്ടന്‍ വില്‍സന്റെ ബ്രാന്റാണോ റാന്നിയത്?' എന്നു “
സങ്കടത്തില്‍ പൊതിഞ്ഞ വെള്ളിയാഴ്ച്ച ഇത് വായിച്ച് ചിരി വന്നു.

തിരഞ്ഞു വന്നവര്‍ക്ക് , തിരിഞ്ഞ് പോയവര്‍ക്ക്

Jayesh San / ജ യേ ഷ് പറഞ്ഞു...

സത്യം പറഞ്ഞാല്‍ ..വായിച്ചപ്പോള്‍ കൂടുതലും വിരസതയാണ്‌ തോന്നിയത്..വില്‍സന്‍ മാഷേ ക്ഷമി..

aju abraham പറഞ്ഞു...

ഞാന്‍
കവിത ചൊല്ലുകയല്ല
കവിത
എന്നെ ചൊല്ലുകയാണ്...

ഒരുപാട് ഇഷ്ടമായി..
നന്ദി!സ്നേഹം!

കുഴൂര്‍ വില്‍‌സണ്‍ പറഞ്ഞു...

ജയേഷേ , വിരസത തന്നതിന് നീ എന്നോടും എന്റെ കവിതയോടും ക്ഷമി

ലേഖാവിജയ് പറഞ്ഞു...

ഞാന്‍
മരിച്ചു കഴിയുമ്പോള്‍
കൊടുക്കുന്ന
അവാര്‍ഡിന്റെ
കൂടെ
ഒരു പാക്കറ്റ്
പൈന്‍
കൊടുക്കണം

ഒരു പൈന്റ് കൂടി വിത്സാ.. :)

ഓഫ് : നല്ല കവിത.

ഒരു കുഞ്ഞുമഴ ഒരേ താളത്തില്‍ പെയ്തു തോരും പോലെ :)

പി എ അനിഷ്, എളനാട് പറഞ്ഞു...

ഇഷ്ടായി വില്‍സന്‍ മാഷേ
മലയാളകവിതയില്‍ സാന്നിദ്ധ്യം കാംക്ഷിക്കുന്നു
www.malayalakavitha.ning.com
സസ്നേഹം

nisagandhi പറഞ്ഞു...

നല്ല വായന സുഖമുള്ള കവിതകള്‍ ......
എന്റെ ആശംസകള്‍ ...

സുനിലൻ കളീയ്ക്കൽ പറഞ്ഞു...

നന്നായിരിക്കുന്നു

സുനിലൻ കളീയ്ക്കൽ പറഞ്ഞു...

നന്നായിരിക്കുന്നു

സുനിലൻ കളീയ്ക്കൽ പറഞ്ഞു...

നന്നായിരിക്കുന്നു

tranziz പറഞ്ഞു...

ഹായ്


ഹായ്

ഹായ്

എനിക്ക്
ജീവിക്കാന്‍
തോന്നുന്നു

പ്രയാണ്‍ പറഞ്ഞു...

ചൊല്ലുവിളിയുള്ള മക്കളെപ്പറ്റി നീയെഴുതിയത് വായിച്ചു ചിരി വരുന്നു.... നമ്മളെയൊക്കെ പോലെ ചൊല്ലുവിളിയുള്ള അപ്പനമ്മമാരുള്ളതുകൊണ്ടല്ലേയെന്ന്.....