ആനപ്പറമ്പിൽ മഴയും വെയിലും നിലാവും കാറ്റും ഇടയ്ക്കിടെ വന്നു പോയി. ഉപാധികൾ ഒന്നുമില്ലാത്തതായിരുന്നു അവർ തമ്മിലുള്ള ഇടപാടുകൾ. എപ്പോൾ വേണമെങ്കിലും വരാം പോകാം എന്ന മട്ടിൽ .ആനപ്പറമ്പിൽ മാത്രമായി പെയ്യാതിരിക്കണം എന്ന് ഒരു കുറി മഴ തീരുമാനിച്ചെങ്കിലും നാട്ടുകാർ എന്ത് പറയുമെന്ന് കരുതി മാറ്റി വയ്ക്കുകയായിരുന്നു . എന്നാൽ ഒരു കാര്യം പറയാം .ഒരിക്കൽ ആനപ്പറമ്പിനു മാത്രമായി മഴ നിന്ന് പെയ്തിട്ടുണ്ട് .അവിശ്വസിക്കേണ്ടതില്ല .കുട്ടികളാണു അത് സാക്ഷ്യപ്പെടുത്തിയത്. കറുപ്പും വെളുപ്പം മാത്രം കലർന്ന നാടിൻ്റെ ചതുരംഗത്തിൽ മുറിച്ചുവച്ച പച്ച ഞാറ്റുകണ്ടം പോൽ ഞങ്ങളുടെ ആനപ്പറമ്പ് .
ആനപ്പറമ്പ് (മൂന്ന് )
സന്ദര്ശകര്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ