ശരീരമേ, ഇന്നലെ നീ മിഴുങ്ങിയ
ചെറുമീനുകള്‍
അതു തന്നെ
അല്ലാതെ ഈ പൂച്ച
ഇന്ന് മൂന്നാം തവണയും
നിന്ന് ചുറ്റുന്നതിനു
മറ്റ് കാരണങ്ങളൊന്നുമില്ല
ഇന്നലെ മിഴുങ്ങിയ മീനുകളെ,
പിടക്കാതെ
ആ പൂച്ചയുടെ ഉണ്ടന്‍ കണ്ണുകള്‍
അകന്നു പോകുന്ന വരെയെങ്കിലും
ഉദരമേ നിന്റെ തിരമാലകളുടെ
ചെറുചലനങ്ങളാല്‍ ഉലയ്ക്കാതെ
ശരീരമേ ശരീരമേ
കടല്‍ക്കരയില്‍ സൂക്ഷിച്ച്
പണ്ട് ഉള്ളില് കയറിയ
മീനുകളെല്ലാം
ജന്മദേശം കണ്ട് കുതിച്ചാല്‍
അവരുടെ കൂട്ടുകാര്‍
ഓരോ കോശങ്ങളിലും
മുട്ടിനോക്കിയാല്‍
ശരീരമേ നിന്റെ ശരീരം
ഒരു കരയില്‍ നിറയെ
മീനുമ്മകളുമായി അടിഞ്ഞാല്‍
ശരീരമേ
നീ കൊതിയോടെ നോക്കിയതെല്ലാം
വിശപ്പോടെ
വലിച്ച് വാരി തിന്നതെല്ലാം
ആര്‍ത്തിയോടെ
വെട്ടിവിഴുങ്ങിയതെല്ലാം
പതുക്കെ പതുക്കെ നുണഞ്ഞതെല്ലാം
എപ്പോഴെങ്കിലും
മുന്നിലവതരിച്ചാല്‍
അവതരിച്ചാല്‍
ശരീരമേ ശരീരമേ
കുഞ്ഞുങ്ങളെ കാണുമ്പോള്‍
മുപ്പതാണ്ട് മുന്‍പത്തെ
മുലപ്പാല്‍ പുറത്തേക്കു പരന്നാല്‍
കയിലപ്പവും, കരള്‍ വറുത്തതും
കുഞ്ഞ് വായകളെ തേടിയിറങ്ങിയാല്‍
കുടിച്ച മദ്യമെല്ലാം കൂട്ടുകാരെ
കാണുമ്പോള്‍ ചാടിയിറങ്ങിയാല്‍
പാതിരാവില്‍ കൂവിത്തിമിര്‍ത്താല്‍
ആരും കേള്‍ക്കാതെ ഒരു തെറിക്കവിത ചൊല്ലിയാല്‍
ശരീരമേ
ഒരു നട്ടുച്ചയില്‍ പ്രിയപ്പെട്ട നഗരത്തില്‍
രണ്ട് മുലക്കണ്ണുകള്‍ വെളിപ്പെട്ട്
പിന്നെയും പ്രകാശം പരത്തിയാല്‍
ആ മണം കേട്ട്
പിന്നെയും തൂവിപ്പോയാല്‍
എന്തെങ്കിലുമൊക്കെ കണ്ട്
ഉമിനീരും, വിയര്‍പ്പും, നനവുകളും
പുറത്തെയ്ക്ക് കുതിച്ചാല്‍
ശരീരമേ ശരീരമേ
പച്ചപ്പു കണ്ട് ഉള്ളിലെ പശുക്കളും പോത്തുകളും എരുമകളും
മുയലുകളും മറ്റും മേയാനിറങ്ങിയാല്‍
തവളകള്‍ മഴക്കാറ് കണ്ടു പേക്രാന്‍ തുടങ്ങിയാല്‍
ഉള്ളില് ചേക്കേറിയ കൊക്കും, കാക്കയും
ആകാശം കണ്ട് പറന്നാല്‍
ആ പിടയെ കണ്ട് പൂവന്
മുറ്റത്തേക്ക് കുതിച്ചാല്‍
ശരീരമേ ശരീരമേ
ഉള്ളിലെ മീനുകളും, ജന്തുക്കളും, കിളികളും
ഒരുമിച്ച് പുറത്ത് കടന്നാല്‍
ശരീരമേ ശരീരമേ
ശരീരത്തിന്റെ ആത്മാവേ...
ഞായറാഴ്‌ച, ജൂലൈ 15, 2007
ശരീരമേ ശരീരമേ ശരീരത്തിന്റെ ആത്മാവേ...
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
സന്ദര്ശകര്
31 അഭിപ്രായങ്ങൾ:
അവതരിച്ചാല്‍
ശരീരമേ ശരീരമേ
കുഞ്ഞുങ്ങളെ കാണുമ്പോള്‍
മുപ്പതാണ്ട് മുന്‍പത്തെ
മുലപ്പാല്‍ പുറത്തേക്കു പരന്നാല്‍
കയിലപ്പവും, കരള്‍ വറുത്തതും
കുഞ്ഞ് വായകളെ തേടിയിറങ്ങിയാല്‍
കുടിച്ച മദ്യമെല്ലാം കൂട്ടുകാരെ
കാണുമ്പോള്‍ ചാടിയിറങ്ങിയാല്‍
പാതിരാവില്‍ കൂവിത്തിമിര്‍ത്താല്‍
ആരും കേള്‍ക്കാതെ ഒരു തെറിക്കവിത ചൊല്ലിയാല്‍
ശരീരമേ
ഒരു നട്ടുച്ചയില്‍ പ്രിയപ്പെട്ട നഗരത്തില്‍
രണ്ട് മുലക്കണ്ണുകള്‍ വെളിപ്പെട്ട്
പിന്നെയും പ്രകാശം പരത്തിയാല്‍
ആ മണം കേട്ട്
പിന്നെയും തൂവിപ്പോയാല്‍- - -
എന്റെ മാളമില്ലാത്ത പാമ്പ്
ഒരേ ഒരയ്യപ്പന്‍ അവിടെ കോഴിക്കോട്ട്.
കഴിയും ഈ രാവെനിക്ക്....
നല്ല വരികളും ആശയങ്ങളും.. മീനുമ്മകളും കുഞ്ഞ് വായകള്‍ കാണുമ്പോള്‍ ചുരത്തുന്ന മുലപ്പാലും പ്രകാശം പരത്തുന്ന മുലക്കണ്ണുകളും..
ശരീരം പരാദമായി എടുത്തതെല്ലാം തിരിച്ചുകൊടുത്താല്‍ ആത്മാവുമാത്രം ബാക്കിയാവുമോ കവിയേ? ആത്മാവ് എടുത്തതെല്ലാം തിരിച്ചുകൊടുക്കാന്‍ നോക്കിയാലോ? മറന്നതെല്ലാം ചികയാന്‍ നോക്കിയാലോ? പേടിച്ചുപോവില്ലേ?
നല്ല കവിത, ഒരിക്കല്‍ കൂടി.
സ്നേഹത്തോടെ,
സിമി.
കവിതയുടെ കാര്യത്തില്‍ ഞാന്‍ ഗുരുവായൂരമ്പല നടയില്‍ നില്‍ക്കുന്ന വെറും ഒരു മെഴ്സിരവിയാണു.
കവിതയെക്കുറിച്ചെനിക്കൊന്നും അറിയില്ല...
സത്യം പറഞാല്‍ ഒരു നോവലുകളും മറ്റ് അവലോകനങ്ങളും മത്രര്‍മേ ഞാന്‍ വായിക്കാറുള്ളു
ആദ്യമായിട്ടാണ് ഒരു കവിത വായിക്കുന്നത്...
ഉം... വായിച്ചു ട്ടോ...
തികച്ചും വ്യത്യസ്തമായ ശൈലി ....!!!
ഒരവര്‍ത്തി കൂടി വായിച്ചു നോക്കട്ടെ ..
:)
great as usual!!
ഇതേ ശരീരമല്ലേ അര്‍ജ്ജുനന്‍ കണ്ടത്!
ഇന്നു രാവിലെ കണ്ട പത്രവാര്‍ത്തയാണ് മനസ്സില്‍ വന്നത്. കവി എ. അയ്യപ്പന്‍ ആശുപത്രിയില്‍.
കുടിച്ച മദ്യമെല്ലാം കൂട്ടുകാരെ
കാണുമ്പോള്‍ ചാടിയിറങ്ങിയതാവാം.
നല്ല വരികള്‍/
ഈ ശരീരവും അത് പേറുന്ന ആത്മാവും സമാന്തരമായി പോകുന്നു. ഉപബോധമനസില്‍ നിന്ന് അതൊന്ന് പുറത്തു ചാടിയാലോ? സൂക്ഷ്മ ജീവികളെ തേടിയിറങ്ങിയലോ?
യാത്ഥാര്‍ഥ്യങ്ങള്‍!
സത്യവും!
മനോഹരമായിരിക്കുന്നു.
നല്ല കവിത
-സുനില്‍ രാജ്
ശരീരത്തിന്റേയും ജീവിതത്തിന്റേയും ഒരു എസ്സെന്‍സ്സ്‌ ആണ്‌ ഈ കവിത.പിറക്കാതെ പോയ കുഞ്ഞുങ്ങള്‍ എല്ലാം കൂടി അച്ഛാ...അച്ഛാ.. എന്നു വിളിച്ചു പിറകേ വന്നാലോ.... എന്തായലും കടല്‍ക്കരയില്‍ ഒന്നു പോയിനില്‍ക്കാന്‍ കൂടി ഇനി പേടി വരും,ഉള്ളിലെ മീനുകള്‍ ജ്ന്മ ദേശം കണ്ടു കൊതിച്ചാലോ, അവയുടെ കൂട്ടുകാര്‍ ഉമ്മ വയ്ച്ചു പോയാലോ.
നന്നായിട്ടുണ്ട് കവിത.
പ്രിയപ്പെട്ട വിത്സാ...
കവിതകള്‍ നിരന്തരം വായിക്കുന്നുണ്ട്...
ശരീരമേ നന്നായി..
ഭീകരാവസ്ഥ!
കലക്കി!
അപാര ആശയം, അപാര വരികള്‍ വിത്സണ്‍ ചേട്ടാ. കിടിലം!
നന്നായിട്ടുണ്ട് പരിചയപ്പെട്ടതില്‍ സന്തോഷം
ശരീരമേ ശരീരമേ
പച്ചപ്പു കണ്ട് ഉള്ളിലെ പശുക്കളും പോത്തുകളും എരുമകളും
മുയലുകളും മറ്റും മേയാനിറങ്ങിയാല്‍
തവളകള്‍ മഴക്കാറ് കണ്ടു പേക്രാന്‍ തുടങ്ങിയാല്‍
ഉള്ളില് ചേക്കേറിയ കൊക്കും, കാക്കയും
ആകാശം കണ്ട് പറന്നാല്‍...
ഉള്ളിലെ കടുവകളെയും കഴുതപ്പുലികളെയും വിഷപ്പാമ്പുകളെയും ശവംതീനിപ്പക്ഷികളെയും വെറുതെ വിട്ടതാണോ?
ഇങ്ങനെ എഴുതാന്‍ കഴിയുക എന്നത് വലിയൊരു ദൈവാനുഗ്രഹമാണ്. ചുറ്റുവട്ടത്തെ നോക്കിയുള്ള നിങ്ങളുടെ കവിതയുടെ ഇരുത്തത്തിലെ ശ്രദ്ധ പതറാതിരിക്കട്ടെ.
:)
"കുടിച്ച മദ്യമെല്ലാം കൂട്ടുകാരെ
കാണുമ്പോള്‍ ചാടിയിറങ്ങിയാല്‍'
yeah., എങ്കില്‍ മറ്റൊരു pacific ocean-ല്‍
ഭൂമി നിറഞ്ഞു കവിഞ്ഞേനെ !!!
Good. Best Wishes
തവളകള്‍ മഴക്കാറ് കണ്ടു പേക്രാന്‍ തുടങ്ങിയാല്‍...
.........
.........
.........
...aaa!!!
വ്യത്യസ്തമായ ആശയം...
നല്ല കവിത
:)
ശരീരത്തിന്റേതല്ല ശരീരത്തിന്റെ മനസ്സിന്റെ കവിതയാണിത്.താന്‍ എന്തുകൊണ്ടെല്ലാം നിര്‍മിക്കപ്പെട്ടിരിക്കുന്നോ അതെല്ലാം പുറത്തേക്കു കുതിക്കുമെന്ന കനത്ത ഭയം...
ഭയങ്ങള്‍ കൊണ്ട് അടയാളപ്പെടുന്ന ജീവിതത്തെ കണിശമായി കാട്ടിത്തരുമ്പോള്‍ നീ ആരെന്ന് വെളിപ്പെട്ടുപോവുന്നു വിത്സന്‍.
കുടിച്ച മദ്യമെല്ലാം പുറത്തു ചാടിയാല്‍ എന്ന് പലയാവര്‍ത്തി ആഗ്രഹിച്ചിട്ടുണ്ട്, ഒന്നുമില്ലേല്‍ വെള്ള്മൊഴിച്ച് ഒന്നുകൂടി ശുദ്ധീകരിച്ച് ഉപയോഗിക്കാമല്ലോന്നും, പക്ഷേ മറ്റേതൊക്കെ ഓര്‍ത്ത് പേടി വരുന്നു വിത്സാ...
കുടിച്ച മദ്യമെല്ലാം പുറത്തു ചാടി നന്നായിട്ടുണ്ട്
നീ വായിച്ചു തന്നപ്പോള്‍ ദഹിച്ചില്ല,
ചിലത് പതുക്കയേ ദഹിക്കൂ,
എത്ര പതുക്കെയാകുന്നോ അത്ര ദൈര്‍ ഘ്യം കൂടും എന്നല്ലേ....
മനം പിരട്ടി ത്തുടങ്ങി എനിക്കും
നല്ല കവിത
കവിതയുടെ ഫിസിയോളജി..
:)
എന്നെ മോഹിപ്പിച്ച രണ്ടാമത്തെ കവിത...
ആദ്യത്തേത് ചുള്ളിക്കാടിന്‍‌റെ സന്ദര്‍ശനം...
ഭയങ്കരമായ ആത്മകഥ! എല്ലാം അവിടെത്തന്നെ അടങ്ങിക്കിടക്കട്ടെയല്ലേ ഷ്ടാ!
vallattha oru vimmittam anubhavikkan kazhinju wilson... aharichathum etedutathumellam vannu kanakku chodikkum ennu bhayannittalla..angane okke valarnnittum avavanavante appurathullathonnum kaanan kuttakkaththa swarthatha velippeduthi thannu nandi....
ഒരു അഭിപ്രായം പോസ്റ്റ് ചെയ്യൂ