തകിലിന്റെ താളത്തില്‍
തുള്ളുന്നൊരാള് കേള്‍ക്കുകയില്ല
മ്യഗത്തിന്‍ നിലവിളി
തബലയുടെ താളത്തില്‍
മുറുകുന്നൊരാള് വായിക്കുകയില്ല
തുകലിന്റെ ഓര്മ്മകള്
പ്രണയമായ് പീലി നല്‍കുന്നൊരാള്‍
കാണുകയില്ല വലിച്ചൂരിയതിന്‍
ചോരപ്പാടുകള്
വാങ്ങി ന്യത്തം ചെയ്യുന്നവള്‍
അറിയുകയില്ല
കാലും ചിറകുമൊടിഞ്ഞൊരു
പക്ഷിയെ
ധൈര്യമേറുവാന്
വാല്‍മോതിരമണിയുന്നവന്
കാണുകയില്ല
കൂര്‍ത്ത തോട്ടിക്കു താഴെ
പേടിച്ചു നില്‍ക്കുമൊരു
ജീവനെ
കേള്‍ക്കുകയില്ല
ചങ്ങലക്കിലുക്കങ്ങള്‍
ഈ വരികള്‍
വായിക്കുന്നയാള്
വായിക്കുകയില്ല...
^ 2003
തിങ്കളാഴ്‌ച, ജനുവരി 15, 2007
വായന
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
സന്ദര്ശകര്