ഞായറാഴ്‌ച, ജനുവരി 21, 2007


വിവര്‍ത്തന ശേഷം കുമാരന്‍ ഗര്‍ജ്ജനമംഗലം എന്ന ഭാഷ


മെലിഞ്ഞ ദേഹവും
സാഗരത്തേക്കാള്‍ ഗര്‍ജ്ജിക്കുന്ന
ശബ്ദവുമായി ഒരു നാള്
‍ഞാനുണ്ടായിരുന്നു

തെളിവായി നിരോധിച്ച
കോളാമ്പികള്‍ മാത്രം മതി

ആയിരം നാവുമരങ്ങളായി
പെരുവഴിയില്‍
പൂത്തുനിന്നതോര്‍മ്മയുണ്ടു

നെഞ്ചില്‍ പന്തം കുത്തി
നാട്ടില്‍ കാവല്‍ നിന്നതോര്‍മ്മയുണ്ട്‌

ഇട്ടീരയെങ്ങനെ ഇട്ടീരയായെന്നു
ചോദിച്ചതോര്‍മ്മയുണ്ടു

ഇന്നിപ്പോള്‍ വിവര്‍ത്തനശേഷം
കണ്ണാടിയില്‍ നോക്കുമ്പോള്
‍വാക്കു തടിച്ചു വീര്‍ത്തിരിക്കുന്നു
കണ്ണടയുടെ അഴികള്‍ക്കിടയില്
‍അതു പതുങ്ങിക്കിടക്കുന്നു

ഉപകളുടെ വയറു ചാടി
അലങ്കാരത്തിലെ ദുര്‍മേദസ്സു

എന്റെ കവിതകള്‍ക്കു
എന്നെ മനസിലാകുമോ ആവോ

നടക്കാന്‍ വയ്യ
ഇരുന്നിരുന്നു എഴുന്നേല്‍ക്കാനേ വയ്യ

പുതിയതൊക്കെയും
വെട്ടിവിഴുങ്ങണമെന്നുണ്ടു
പക്ഷേ കാണുമ്പോഴേ വരും ഓക്കാനം

വ്യായാമം മുടങ്ങിയാല്
‍പ്രമേഹത്തിലൊടുങ്ങുമല്ലോ
പരമേശ്വരാ
400 പേജിന്റെയാല്‍മകഥ


^ 2005

11 അഭിപ്രായങ്ങൾ:

Kuzhur Wilson പറഞ്ഞു...

"തെളിവായി നിരോധിച്ച
കോളാമ്പികള്‍ മാത്രം മതി

ആയിരം നാവുമരങ്ങളായി
പെരുവഴിയില്‍
പൂത്തുനിന്നതോര്‍മ്മയുണ്ടു

നെഞ്ചില്‍ പന്തം കുത്തി
നാട്ടില്‍ കാവല്‍ നിന്നതോര്‍മ്മയുണ്ട്‌

ഇട്ടീരയെങ്ങനെ ഇട്ടീരയായെന്നു
ചോദിച്ചതോര്‍മ്മയുണ്ടു"

--------

കലേഷ്‌ ഭായ്‌. പുതിയ കവിത ഉടന്‍ വരും. ഇതു 2005 ലേതു.

അജ്ഞാതന്‍ പറഞ്ഞു...

"വിവര്‍ത്തന ശേഷം കുമാരന്‍ ഗര്‍ജ്ജനമംഗലം എന്ന ഭാഷ "

"ഇട്ടീരയെങ്ങനെ ഇട്ടീരയായെന്നു
ചോദിച്ചതോര്‍മ്മയുണ്ടു"

"എന്റെ കവിതകള്‍ക്കു
എന്നെ മനസിലാകുമോ ആവോ"

kuzhoorji, sarikkum kidilan.
ithu vayikkendathu nammal alla.
kadamanitta enna kavi thanneyanu.

alle ?


"

അജ്ഞാതന്‍ പറഞ്ഞു...

unlike all your other poems in this blog, i couldn't understand this poem.

what is the context?
about what you have written.

few lines explaining this or at least a hint will help

Unknown പറഞ്ഞു...

വിത്സണ്‍ ചേട്ടന്റെ പതിവ് ശൈലിയില്‍ നിന്ന് വ്യത്യസ്തമായ ഭാഷ. പക്ഷെ ശക്തം. മനോഹരമായിരിക്കുന്നു. കൊട് കൈ! :-)

Latheesh Mohan പറഞ്ഞു...

വിത്സാ ശരിക്കും കവിത. എനിക്ക് എന്നേപ്പോലെ തന്നെ തോന്നുന്നു. ഒരോര്‍മ്മയുടെ അവസാനം ലിപി നിലവിലില്ലാത്ത, ഏതോ പ്രാകൃത ഭാ‍ഷയിലേക്ക് ഞാനറിയാതെ വിവര്‍ത്തനം ചെയ്യപ്പെട്ട എന്നേപ്പോലെ..

എന്‍റെ ഭാഷ ഇനിയാര്‍ക്ക് മനസ്സിലാകും?

Visala Manaskan പറഞ്ഞു...

"കണ്ണാടിയില്‍ നോക്കുമ്പോള്
‍വാക്കു തടിച്ചു വീര്‍ത്തിരിക്കുന്നു
കണ്ണടയുടെ അഴികള്‍ക്കിടയില്
‍അതു പതുങ്ങിക്കിടക്കുന്നു"

വിത്സണ്‍ ജീ...!!!!

Ziya പറഞ്ഞു...

കിടിലോത്കിടിലം

വേണു venu പറഞ്ഞു...

നെഞ്ചില്‍ പന്തം കുത്തി
നാട്ടില്‍ കാവല്‍ നിന്നതോര്‍മ്മയുണ്ട. എല്ലാം ഓര്‍ക്കുന്നു അറിയുന്നു.
വിത്സാ നന്നായിരിക്കുന്നു.

Unknown പറഞ്ഞു...

വിത്സാ, ഈ ചോദ്യം നമ്മളും ചോദിക്കേണ്ടി വരുമല്ലോ. ഈ പേടി നമ്മുടേതുമായി മാറുമല്ലോ. വരും കാലത്തെ പിള്ളേര്‍ നമ്മളെക്കുറിച്ച്‌ ഇങ്ങനൊന്നും എഴുതാതിരിക്കട്ടെ. ല്ലേ?

ഓ.ടോ. ഭാഗ്യം പ്രമേഹം വരാനുള്ള സാധ്യതയില്ല. പക്ഷേ ഇനിയുമെന്തൊക്കെയോ ഇല്ലേ രോഗങ്ങള്‍?

കുറുമാന്‍ പറഞ്ഞു...

വ്യായാമം മുടങ്ങിയാല്
‍പ്രമേഹത്തിലൊടുങ്ങുമല്ലോ
പരമേശ്വരാ - വ്യായാമം തുടങ്ങാതെങ്ങിനെ മുടങ്ങും?

നന്നായിരിക്കുന്നു വിത്സണ്‍

Kuzhur Wilson പറഞ്ഞു...

"വിത്സാ, ഈ ചോദ്യം നമ്മളും ചോദിക്കേണ്ടി വരുമല്ലോ. ഈ പേടി നമ്മുടേതുമായി മാറുമല്ലോ. വരും കാലത്തെ പിള്ളേര്‍ നമ്മളെക്കുറിച്ച്‌ ഇങ്ങനൊന്നും എഴുതാതിരിക്കട്ടെ. ല്ലേ?

ഓ.ടോ. ഭാഗ്യം പ്രമേഹം വരാനുള്ള സാധ്യതയില്ല. പക്ഷേ ഇനിയുമെന്തൊക്കെയോ ഇല്ലേ രോഗങ്ങള്‍? "

അനിയാ,
അവര്‍ അന്നു ചോദിക്കട്ടെ.

മറുപടി പറയാന്‍
ഉണ്ടെങ്കില്‍
കൊടുക്കാം
(നമ്മളും, മറുപടിയും)

ഇപ്പ്പ്പോള്‍
നമുക്കു ആരും
മറുപടി തരുന്നില്ലാല്ലോ ?